17. desember 2008

Bókmenntaverðlaun starfsfólks bókaverslana

Eins og flestir eflaust vita eru bóksalar upp til hópa gáfað og skemmtilegt fólk með vit og áhuga á bókum en í kvöld var tilkynnt um úrslit í árvissri kosningu þeirra á meðal um bestu bækur ársins. Úrslitin eru sem hér segir:

Besta íslenska skáldssagan: 1. Ofsi - Einar Kárason 2. Rökkurbýsnir - Sjón 3. Skaparinn - Guðrún Eva Mínervudóttir.

Besta þýdda skáldsagan: 1. Bókaþjófurinn - Markus Zusak 2. Karlar sem hata konur - Stieg Larsson 3. Vatn handa fílum - Sara Gruen.

Besta íslenska barnabókin: 1. Garðurinn - Gerður Kristný 2. Steindýrin - Gunnar Theodór Eggertsson 3. Fíasól er flottust - Kristín H. Gunnarsdóttir.

Besta þýdda barnabókin: 1. Hver er flottastur? - Mario Ramos 2. Ljósaskipti - Stephenie Meyer 3. Bangsímon - A. A. Milne.

Besta ljóðabókin: 1. Eg skal kveða um eina þig alla mína daga - Páll Ólafsson 2. Hvert orð er atvik - Þorsteinn frá Hamri 3. Ljóð og myndir - Þorsteinn frá Hamri.

Besta ævisagan: 1. Magnea - Magnea Guðmundsdóttir og Sigmundur Ernir Rúnarsson 2.-3. Ég ef mig skyldi kalla - Þráinn Bertelsson 2.-3. Í húsi afa míns - Finnbogi Hermannsson.

Besta handbókin/fræðibókin: 1. Dýrin - David Burnie 2. Íslenskar kynjaskepnur - Sigurður Ægisson og Jón Baldur Hlíðberg 3. Myndlist í þrjátíu þúsund ár - Ýmsir.

Ég hef bara lesið eina af þessum bókum sem er auðvitað skandall en ég get staðfest að hún er allra atkvæða virði. Þið megið geta hvaða bók það er.

9 ummæli:

Þórdís Gísladóttir sagði...

Úff, ég er búin að lesa tvær og 1/3 af tveimur öðrum. Það gera eiginlega svona þrjár.

Arngrímur Vídalín sagði...

Mér finnst nú hálfgert hneyksli að hræið af Páli Ólafssyni fái bókmenntaverðlaun. En þetta er auðvitað byggt á sölutölum, er það ekki?

ÞES sagði...

Nei, það er bonafide atkvæðagreiðsla meðal bóksala sem liggur að baki þessi vali. Hvað ég get sagt...bóksalar eru greinilega íhaldssamir í ljóðabransanum...og sérdeilis hrifnir af Þorsteini frá Hamri enda er hann tíður gestur í bókabúðum.

Nafnlaus sagði...

Af þessum lista má draga þá ályktun að bóksalar séu hvorki djarfir né frumlegir. Byltingunni verður ekki stýrt úr húsi Bryndísar bóksala.

Gummi Erlings sagði...

Þú hefur annað hvort lesið Skaparann eða Rökkurbýsnir, giska ég á. En Ofsi? Og engar Konur?

Þórdís Gísladóttir sagði...

Ég held að Þorgerður sé búin að lesa bókina eftir hann Finnboga frænda minn. Hún ætti allavega að vera búin að lesa hana.

Nafnlaus sagði...

Ætla ekki druslubókakonurnar að vera með sín eigin bókmenntaverðlaun?

ÞES sagði...

Nei er hvorki búin að lesa Skaparann né Rökkurbýsnir en þær eru báðar á óskalistanum...og ekki Ofsa...og ekki Finnboga...
Bókmenntaverðlaun druslukvenna er hinsvegar fyrirtaks hugmynd, helst með allskonar meðfylgjandi mútugreiðslum og kokteilboðum.

Þórdís Gísladóttir sagði...

"Bókadrusluverðlaunin" gætu komið sterk til leiks. Við gætum reynt að verða svona einsog Gjörningaklúbburinn á bókmenntasviðinu og verðum í framhaldi af því mjög líklega fengnar til að ritstýra tilvonandi bestsellerum og vera með bókagjörninga (gjörningatýpurnar voru að hanna jólakúlu).
Ef við miðum verðlaunatilnefningar við mútur forlaga, þokka og manngæsku höfunda og stílbrögð í káputextum verður þetta lítið mál.