![](https://blogger.googleusercontent.com/img/b/R29vZ2xl/AVvXsEgRMMWjRstkBngi4UlJ5zTcFhRIm8BaobDpxMqW8kqnCKwVvX992x-pvi6VERlUvvStBVIz_OPCtpK-u2uQ98pAWoA18i5NO_hshyAWZQ3TNUtHrxFNFLxXOa_FhcWTTCmwQUpnKUKDc7Y/s200/karitas.jpg)
Líf og list: 100 ára vegferð Karitasar Jónsdóttur
Bókmenntanámskeið um verk Kristínar Marju Baldursdóttur.
Leiðbeinandi: Sigfríður Gunnlaugsdóttir
Bókmenntanámskeiðið er haldið í tengslum við Ritþing Kristínar Marju Baldursdóttur sem verður haldið í Gerðubergi 31. október n.k. Á námskeiðinu verður skyggnst inn í söguheim Karitasarbóka Kristínar Marju Baldursdóttur. Saga Karitasar er ekki einungis saga af langri og viðburðaríkri ævi einnar manneskju heldur saga íslenskrar þjóðar í 100 ár einsog hún hljómar af vörum konu sem hefur valið sér það hlutskipti að verða listakona.
![](https://blogger.googleusercontent.com/img/b/R29vZ2xl/AVvXsEixZnNdAXig-WshM8t1ndu1kwjU1r1e7QYHCyYZvEPlPZpRLnPpWgVaLb_ihoXro7zRQDT038Tor7h6uckIXIeQguKGvfCLwCFImgE4d4_AOy_5RD3kSipxtqUYJmSLWwoCMbVcbWOgzh0/s200/%C3%B3rei%C3%B0a%C3%A1striga.jpg)
Þessi mánudagskvöld í október munum við ganga saman inn í heim Karitasar: fjalla um persónur sögunnar, sérstaklega kvenpersónurnar, fjölskylduna og samfélagið, listamenn í íslensku samfélagi, og reyna að átta okkur á því hvað það er sem mótar og knýr Karitas áfram sem persónu og listamann.
Nánari upplýsingar: Guðrún Dís Jónatansdóttir netfang: gudrun.dis.jonatansdottir@reykjavik.is, s. 575 7006